Gitataw ni Cebu Gov. Pamela “Pam” Baricuatro, nga ang iyang serbisyo walay gipili, bisan paman alang kaniya ang pabor, o maskin dili.
Matod sa Gobernadora, mas hatagan niya og bug-at nga pagtagad ang mga prayoridad karon ilabi na sa pag-recover sa mga mga kadaot nga gibilin sa 6.9 magnitude nga linog nga niigo sa Amihanang bahin sa Sugbo niadtong gabii sa Setyembre 30.
Gidugang pa ni Baricuatro nga “no choice” ang mga sakop sa politika kung dili ganahan o dili ka-uyon sa iyaha.
Kahinomdoman nga adunay si Provincial Board Celestino “Tining” Martinez III, kinsa nipadayag og kasagmuyo sa tubag sa Kagamhanan sa Probinsiya sa Sugbo sa 6.9-magnitude nga linog nga niigo sa Bogo City.
Diin sa iyang privilege speech, gitataw ni Martinez nga ang Kapitolyo wala pa makahatag og detalyadong plano sa recovery ug rehabilitation nunot sa gibiling kadaot sa linog.
