Mipadayag sa iyang pagsupak si Cebu Provincial Governor Pamela “Pam” Baricuatro sa proposal of franchise o sugyot sa prangkisa para sa 600 ka mga blue green Electric Vehicle (EV) taxis nga mag-operate sa probinsya.
Kini ang gipamahayag ni Baricuatro pinaagi sa iyang post sa iyang social media account sa iyang pagpasabot sa iyang habig kabahin sa iyang pagsupak sa maong kalambuan.
Apan giklaro sa gobernadora nga ang iyang pagsupak dili isip pagbabag sa kalambuan sa teknolohiya nga dalit sa modernong EV taxis apan sa isyu may kabahin na sa license to operate diin nakahatag og hulga kini sa kasamtangang taxi operators sa pag-ilog sa mga pasahero sa kadalanan nga makapaminus sa mahimong kita sa mga drayber ug operators.
Gisaysay sab niini ang makalilisang na nga lakat sa trapiko sa probinsya ilabi na sa Metro Cebu ug sa road safety concern diin ang pagdugang sa 600 ka EV taxis mas makapabug-at pa sa dagan sa mga kadalanan.
Gihinaot sa gobernador nga ang mas han-ay nga pagtuon usa ang deployment kay mapatuman ingon man sa hisgutanan sab sa licensing framework sa pagkwestiyon niini sa operator sa EV taxis.
Giawhag niini ang mga responsable habig nga sabton kini isip proseso sa konstruktibong pagrepaso aron mas transparent, accountable, ug malungtarong kaayohan sa mga Sugbuanon ug ekonomiya niini.
