PROVINCE OF CEBU- Nipahinumdom si Police Major Mariejin Encio, tigpamaba sa Cebu Police Provincial Office (CPPO), sa mga tag-iya og armas nga i-surrender ang ilang expired nga armas samtang nagkaduol ang Barangay ug Sangguniang Kabataan Elections.
Dugang pa niya nga kung dili nila i-turn over ang ilang mga armas, ipaubos sila sa warrant of arrest.
Kini gumikan ang gun ban ipatuman sugod Agosto 28 hangtod Nobyembre 29.
Nipasalig ang Cebu Police Provincial Office nga ang CPPO preparedness rate makahimo ug aktibo sa pagpangandam sa umaabot nga barangay elections.
Ang pag-deploy sa seguridad gisiguro sa panahon sa dagkong mga panghitabo alang sa mga katuyoan sa seguridad.
Dugang pa, nga nagpadayon ang Oplan Katok sa pagpangita sa mga armas nga wala pa rehistrado ug wala ma-renew.
Ang Oplan Katok usa ka programa sa Philippine National Police, Naglakip kini sa pagbisita sa mga balay sa mga tag-iya og armas nga wala pa maka-renew sa ilang lisensya.
Tumong niini nga dasigon kining mga tawhana sa pag-renew sa ilang permit sa armas o tugotan ang kapolisan sa paghipos sa ilang mga armas sa luwas nga dapit.
Kung diin ang CPPO adunay pay 2,258 ka mga naghupot sa armas, nga wala pa nila na “Katok”
Sa pikas bahin, ang probinsiya sa Sugbu adunay duha ka barangay ang gipaubos sa yellow category sa election areas of concern.
Ang maong mga barangay mao ang Barangay Linao sa dakbayan sa Talisay ug Barangay South Poblacion sa San Fernando.
Dugang pa, nga kini tungod sa mga nangaging election-related nga insidente nga natala sa maong mga dapit.
