Wala gisalikway ang posibilidad nga adunay laing ilegal nga operasyon sa POGO ang probinsya sa Sugbo gawas sa Lapu-Lapu City, Cebu.
Kini ang gibutyag ni Cebu 6th District Board Member Glenn Anthony Soco sa press conference nunot sa pag-ronda sa usa ka hotel sa dakbayan sa Lapu-Lapu diin kapin sa usa ka gatos ka mga langyaw ang gipasakaan na og kaso ug anaa na karon sa temporary detention sa PAOCC sa Nasdake Building sa Pasay City.
Gitataw ni Soco nga bisan og dako kini og natampo sa lokal nga ekonomiya, gisuportahan niini ang lakang nga gihimo ni Presidente Ferdinand Marcos Jr. kabahin sa pagdili sa operasyon sa POGO sa nasud tungod sa daghang mga balaod nga gilapas niini.
Ingon man nga nisang-at na usab ang Cebu Provincial Board og resolusyon nga nagpahugot oa sa mas istriktong pagdili sa operasyon sa POGO sa Probinsya sa Sugbo.
Gumikan gituohan niini nga dili lang kini hagit sa matang sa kwarta tungod kay lakip usab niini ang pagka-adik sa sugal.
