CEBU PROVINCE-Hingpit nang gi-turnover sa Cebu Provincial Capitol pinangulohan ni Governor Gwendolyn Garcia ug Vice Governor Hilario ‘Junjun’ Davide III, ang 18 ka mga service vehicles alang sa matag sakop sa provincial board ug usa ka bag-ong service vehicle sa bise gobernador.
Nakadawat ang matag provincial board member ug Toyota Hilux Conquest, samtang si Vice Governor Davide kay nakadawat ug Toyota Fortuner.
Atol sa pag-turnover kay gipahigayon usab ang ceremonial blessing nga gipangulohan ni Msgr. Trinidad Silva, Jr. ug ang ceremonial nga pagpa-andar sa makina sa mga bag-ong sakyanan.
Dako ang pasalamat sa mga sakop sa Hunta Probinsiyal tungod kay aduna na sila’y mas maayo nga sakyanan nga makatabang kanila sa paghatud ug nagkadaiyang serbisyo sa mga Sugbuanon.
Gipadayag usab ni Governor Garcia nga makatarunganon lang nga hatagan ug service vehicle ang mga opisyal gumikan sa ilahang mga paningkamot, panaghi-usa ug kooperasyon sa mga programa ug proyekto sa Kapitolyo.
