CEBU PROVINCE-Magpatukod og two-storey building nga adunay unom ka mga classrooms sa giplanohang nga mga extension-campuses sa Cebu Normal University ang kagamhanang lalwigan sa Sugbo.
Ang maong mga bag-ong extension campus sa naasoy nga unibersidad kay itukod sa lungsod sa Catmon sa amihanang Sugbo ug lungsod sa Alegria ug Argao sa habagatang bahin sa probinsya.
Kini ang gisaad ni Cebu Provincial Governor Gwendolyn Garcia sa mga opisyales sa unibersidad ug sa mga naasoy nga mga lungsod.
Nahitabo ang maong panagtigom niadtong Hulyo 5, ning kasamtangang tuig sa Cebu Provincial Capitol.
Kini ang iyang pasalig sama sa gibuhat sa kagamhanang lalawigan sa Cebu Technological University sa duha ka campus niini sa lungsod sa San Remigio ug Balamban.
Usa ang CNU sa mga tanyag nga unibersidad sa probinsya nga nalangkob sa state university status sama sa CTU ug UP Cebu.
Ang mga bag-ong campuses sa unibersidad matukod sa barangay Panalipan sa lungsod sa Catmon, Barangay Binlod sa lungsod saArgao ug Barangay Santa Filomena sa lungsod sa Alegria.
