PROVINCE OF CEBU-Midonar sa balor ng P3-milyones ang kagamhanang probinsya sa Sugbo sa Cebu City Government.
Kini isip bili sa pasalamat sa Kapitolyo sa walay puas nga supporta niini sa nahitabong Pasigarbo sa Sugbo 2024 niadtong Agosto 25, 2024.
Gitunol kini ni Cebu Provincial Governor Gwen Garcia uban sa mga Provincial Board Member ang tseke ngadto kang Cebu City Administrator Atty. Kristine Joyce Batucan nga maoy nirepresentar sa kagamhanang dakbayan sa Sugbo atol sa “Gabii sa Pasalamat” sa Capitol Social Hall niadtong adlaw sa Sabado, Agosto 31, 2024.
Gidetalye ni Cebu City Tourism Officer Neil Odchigue ang halapad nga partisipasyon nga gihimo sa City Hall, nga naglakip sa deployment sa 279 ka traffic personnel, 8 ka mobile patrols, ug 124 ka disaster risk reduction officers sa kadalanan.
Laing 244 ka miyembro sa local school board ang mihatag og civil works assistance, ug 268 ka maintenance personnel ang gitahasan sa pagdumala sa 306 ka portalets ug portabaths sa Cebu City Sports Center diin ang venue sa ritual showdown competition; ug sa 30 ka mga tunghaan sa DepEd sa dakbayan nga ni-billet sa 51 ka contingents gikan sa tibuok probinsya.
Gipakatap sa dakbayan sa Sugbo ang ilang manpower gikan sa pagsugod sa adlaw sa ensayo sa wala pa ang kalihokan ingon man nga atol sa grand festival showdown sa CCSC ug ang awarding ceremony niini ug sa post-Pasigarbo after-care activities.
