CEBU – Mas gilugwayan pa sa kagamhanan sa probinsya sa Sugbo ang kamandaon niini nga nagdili sa pagpasulod sa mga poultry products nga gikan sa Luzon ug Mindanao nga apektado sa Avian Influenza o Bird Flu.
Gipasabot ni Dra. Mary Rose Vincoy, Cebu Provincial Veterinarian Officer, nga ang maong lakang sa probinsya kabahin sa tinguha nga mapanalipdan ang 12 billion poultry industry sa Sugbo nga nagpablining Bird Flu free.
Una niini, nipagawas og usa ka executive order 9-A ang buhatan ni Governor Gwendolyn Garcia nga nagdili sa pagpasulod sa mga produkto sa maon, buhi man o karne, wild birds, day-old chicks o piso, itlog, balot, abono ug uban pa.
Panawagan nalang ni Vincoy nga sundon nalang ang gilatid nga lagda sa Capitolyo aron dili makasugat og kakulian ang mga negosyo sa nahisgutang poultry industry.
