Gikondenar ni Cebu Vice Governor Glenn Anthony Soco ang mga budget insertions nga maoy tinubdan sa alegasyon sa kurapsyon sa mga proyekto sa flood control karon sa nasud.
Kini ang gisaysay ni Soco atol sa eksklusibong pakighinabi sa Bombo Radyo Cebu Newsteam kun diin matod pa ang nagpadayong pagdungog karon sa Senado pinaagi sa Blue Ribbon Committee kay angay lang ipadayon aron mayagyag ang tanang kahiwian sa panggamhanan nga naglambigit sa mga opisyales sa gobyerno ug mga kontraktor.
Sumala pa niini nga “spill the beans” na aron mabutyag ang tanan og aron sab mapakita ang esensya sa transparency ug accountability.
Gani dugang pa ni Soco nga angay paminawon sa mga opisyal sa gobyerno ang nahitabong Septiyembre 21 nga nasudnong rally batok kurapsyon sa mga nagkadaiyang dapit sa Pilipinas ilabi na diri sa Sugbo ug sa kaulohan.
Ingon man nga panawagan sa bise-gobernadora nga makakita og solusyon sa nahimong imbestigasyon tungod kay nagtinguha kini sa pagpugong sa susamang modus ga mahitabo sa umaabot puhon.
Gidayeg sa opisyal ang padayong lakang sa bag-ong Secretary sa Department of Public Works and Highways nga si Vince Dizon nga matod pa usa sa mga unang tinguha niini ang pag-ugsok og kahadlok na sa mga opisyal nga manghilabot sa budget sa mga proyekto.
