Andam si Cebu Vice-Governor Glenn Anthony Soco, ng mopaubos sa lifestyle check”, kini subay sa plano nga ipatuman ni Pres. Ferdinand “Bong-Bong” Marcos nga ang tanang mga kawani sa gobyerno, hilabi na ang mga dagkong opisyales nga ipaubos sa “lifestyle check”.
Gibutyag ni Soco, nga dugay nang abli sa publiko ang iyang kinabuhi sukad pa sa wala pa kini nanilbihan sa gobyerno, gani gihimug-atan niini nga kuwang pa iyang income, tungod sa mga programa nga gipatuman niini sama sa 24/7 Hotline program.
Dugang usab niini nga matag tuig siya mo sumiter sa iyang SAL-N hinungdan nga wala ray dapat kabalak-an ang publiko, gani gihimug-atan usab niini nga kinahanglan nga ang tanang sako sa gobyerno dapat mopaubos sa “lifestylecheck”
Sa pikas bahin, mipadayag usab kini kabahin sa State of Province Address ni Gov. Pamela Baricuatro nga matud pa ni Baricuatro, nga ubay-ubay ang kakuwangan sa serbisyo sa kanhi administrasyon ang nabatyagan sukad sa paglingkod niini 60-ka adlaw.
Apan mitataw si Soco, nga adunay lain-laing prayoridad ang matag administrasyon ug respeto niya kini, dugang pa kung aduna may kalapasan ang kanhi administrasyon, aduna ray ahensiya nga angay mo tuki niini.
