Gipanglawatan ni Atty Rameses Villagonzalo, ICC Accredited Lawyer nga ang mga nabutyag ni Lead Council Nicholas Kaufaman nag ubay-ubay ang mga kamatuoran, ingun man mga “facts” nga pabor sa iyang habig ang na advance og butyag.
Gidugang ni Atty. Villagonzalo nga adunay mga interpretasyon si Kaufman nga mga terminolohiya nga dako og pabor sa ilahang habig.
Mao kini ang pamahayag ni Atty. Villagonzalo atol sa eksklusibong pakighinabi sa Bombo Radyo Cebu Newsteam kaniya, diin iyang gitataw nga dako og pabor ang mga nahimong pagyagyag ni Kaufaman atol sa Confirmation of Charges Hearing sa alang kang kanhi Presidente Rodrigo Duterte, sama na lamang sa “neutralized” nga alang kanila, wala kini nagpasabot nga “pagpatay kini,” gumikan kay alang kanila, nagpasabot kini nga igo lang sa “pagdakop.”
Dugang punto ni Atty. Villagonzalo, sa dihang gipunting na si Sec. Aguirre kabahin sa pronouncement nga sa nasud nga Pilinas, kung adunay mga drug lord/personalities kay pamatyon gayud, apan gisalikway kini sa defense council sa kanhi presidente, ug ligdong gibarugan nga dili ang kanhi presidente ang nagdeklarar, kondi si Sec. Aguirre.
Sumala pa, wala maka establisar ang prosekusyon sa elemento sa Crime Against Humanity for Murder, gumikan ang mga elemento niini adunay usa nga namatay o mas daghan pa niini, sestimatiko ug dinaghanay nga pagkamatay, ug ang sunod nga elemento, adunay kasayuran ang gikiha nga adunay patay nga nahitabo nga sistematiko ug dinaghan.
Busa, niingun si Kaufman nga nakasiguro ba gayud nga kadtong mga pagpatay nahitabo kaniadto, aduna bay kasiguradohan nga sistematiko ba kadto gabasi.
Sa katapusan, isip usa ka defense oriented nga magbabalaod, alang sa personal nga assessment ni Atty. Villagonzalo, nakapabor og dyutay ang prosekusyon, nga kung puntosay ang pagahisgutan, nakatigo ang prosekusyon og 60-65% ang prosekusyon, ug ang subra sa maong porsyento adto na sa habig sa depensa.
