Nangayo og pasaylo ang content creator nga si Cherry White human nag viral ang iyang video diin makita nga gabilangkad samtang nag-drive.
Ingon man nga gihinganlan pa kini nga “bukaka girl.”
Asoy sa influencer nga dugay na ang maong video, kuha pa kini tulo ka buwan na ang milabay samtang nag-emote ang ate mo girl.
Apan, bisan paman nga nangayo kini og pasaylo kay gisuspenso gihapon sa Land Transportation Office (LTO) sulod sa 90 ka adlaw ang lisensya sa pagmaneho sa vlogger.
Matod ni Transportation Secretary Vince Dizon, ang DOTr ug LTO dili motugot niining iresponsableng matang sa pag-drive.
Hinungdan nga niisyu ang LTO og show cause order ngadto kang Cherrylyn Larga Gonzaga a.k.a Cherry White, kinsa gihangyo sa pagpasabot ug ag-atubang sa buhatan nganong dili siya angayng pasakaan og kaso sa reckless driving ug nganong dili man suspindihon ang iyang driver’s license ugmang adlawa, Hulyo 16.
