Nakasulod ang tulo ka mga oil tankers sa Gulf agi sa Strait of Hormuz basi sa shipping data gikan sa London Stock Exchange Group kon LSEG ug sa Kpler -ang duha ka kompanya nga maoy nagpagawas og shipping data aron masubay ang global trade flows, vessel movements, ug freight rates.
Ang LSEG naghatag og financial ug commodity analytics, samtang ang Kpler nag-focus sa real-time ship tracking ug predictive analytics.
Basi sa ilang shipping data, ang Panama-flagged nga Peace Gulf paingon ngadto sa Hamriyah port sa United Arab Emirates kon UAE, human nag-transit og bag-ong ruta tali sa mga islands sa Larak ug Hormuz sa Iranian territorial waters nga maoy gimando sa Iran Revolutionary Guard Corps kon IRGC nga agi-an sa tanang barko.
Ingon man nga una niini, duha ka mga US-sanctioned tankers ang mi-agi sa pi-ot nga waterway.
Tungod kay ang maong mga barko nga naglawig sa maong strait dili mopaingon sa mga pantalan sa Iran, dili sila apektado sa US blockade, nga mi-epekto niadtong adlaw nga Lunes.
