Gibuak sa bokalista sa Parokya Ni Edgar nga si Chito Miranda ang iyang kahilom human mabalita nga gidakop ang iyang asawa nga si Neri Naig.
Sa iyang social media account, iyang gitataw nga ang iyang asawa wala nangilad nni bisan kinsa.
Ug miingon nga ang nahimong sayop lang niini kay ang iyang pagkamatinabangon.
Nag-ampo na lang siya nga mahuman na ang tanan nga giagian sa iyang asawa.
Matod niya nga ang kaso nga giatubang sa asawa tungod sa produkto nga iyang gi-endorso diin ang nawong sa asawa maoy gigamit sa pagkuha og investors.
Giinsister sa singer nga wala siyay nadawat nga suwat gikan sa piskal, bisan subpoena o bisan unsang notice.
Kahinumduman nga gidakop sa Southern Police District ang aktres samtang anaa kini sa Pasay City tungod sa giingong 14 ka ihap sa paglapas sa Securities Regulation Code, estafa ug syndicated estafa.
