Giaprobahan ni Senate Impeachment Court Presiding Officer Chiz Escudero ang mosyon sa Prosecution nga i-subpoena ang mga rekord sa bangko, buhis, ug Anti–Money Laundering Council (AMLC) ni Bise Presidente Sara Duterte ug sa iyang bana nga si Mans Carpio.
Hinuon, wala gilakip ang mga dokumento sa mga foreign currency deposit account ug pipila ka corporate entities.
Una niini, gikuwestiyon ni Senator-Judge Pia Cayetano kon magamit ba nga ebidensya ang mga rekord sa Anti-Money Laundering Council (AMLC) kon kini giingong nakuha nga ilegal tungod sa paglapas sa mga lagda sa confidentiality o sa “fruit of the poisonous” doctrine.
Matud ni House Prosecutor Chel Diokno nga “Confidentiality cannot trump accountability.”
Apan, nangatarungan si Defense Counsel Michael Poa nga ang Anti-Money Laundering Act nagdili sa pagbutyag sa mga natabunan nga rekord nga walay legal nga awtoridad.
Samtang, si Senator-judge Alan Peter Cayetano nagpahayag nga iyang isumite sa sinulat ang iyang pagsupak sa pag-isyu og mga subpoena sa mga rekord sa bangko ni Bise Presidente Sara Duterte.
Diin lakip sila si Senador Loren Legarda, Imee Marcos, ug Camille Villar nga moapil sa objection letter.
