Gitahasan usab ni Acting Chief Melencio Nartatez Jr. sa Philippine National Police (PNP) ang Criminal Investigation and Detection Group (CIDG) aron motabang sa nagpadayon nga imbestigasyon sa kamatayon sa kanhing Department of Public Works and Highways (DPWH) Usec. Maria Catalina Cabral.
Tumong niini nga i-subpoena ang mga personal nga gamit ni Cabral sama sa cellphone, laptop ug uban pang mga gamit sa kanhing opisyal.
Apil usab sa summon ang drayber ni Cabral nga karon giisip nga person of interest (POI) sa insidente sama sa giingon sa protocol, nga bisan kinsa ang kauban sa biktima sulod sa 36 ka oras awtomatik nga mahimong POI.
Gawas niini, gihatagan usab ni Nartatez ang Police Regional Office Cordillera Administrative Region (PRO CAR) og 36 ka oras aron makompleto ang ilang imbestigasyon tungod kay ang drayber ni Cabral gibuhian usab isip POI.
Samtang, ang asawa ni Cabral mihatag og waiver ug wala motugot nga ang patayng lawas ipaubos sa autopsy examination.
Gipasalig sa PNP nga naghimo sila og legal nga mga lakang aron masiguro nga ang narekober nga patayng lawas mao gyud ang tinuod nga patayng lawas ni Cabral.
