CEBU CITY-Gibutyag ni Konsehal Jun Alcover ang Commitee Chairman sa City Agricultures Offices nga hugot ang ilang pagpangadam subay sa dakong hagit sa ting huwaw o el niño phenomenom nga niigo sa tibuok pilipinas lakip na ang probinsya ug dakbayan sa Sugbo.
Diin labing maapektaran ang produksyon sa produkto sa panguma hilabi na nga walay igong kahinguhaan ug supply sa tubig ang katawhan sa kabukiran gumikan kay mo hubas ang mga tubod ug kasapaan. Gani nakig alayon kini sa buhatan sa Metro Cebu Water District kun MCWD nga makakuha sila ug tubig nga maoy ipang supply sa katawhan.
Ingun man nga giawhag ni Alcover ang mga kabarangayan nga ipaayo ang ilang mga water tanker harun magamit sa taas nga ting huwaw.
Samtang sa pikas bahin giinganyo ni Alcover ang mga mag-uuma nga tun-an ug mo adopt sa klima ug isubay ang ilang mga pananum sama sa mga lagutmon ug utanon nga makalahutay sa init nga panahon.
Gani andam ang City government nga mo hatag ug mga liso ingun man fertilizer sa mga mag-uuma ug kinahanglan lang kini nga makig alayon sa ilang buhatan alang sa pagprosiso niini..
