CEBU CITY-Hingpit nang ablihan atol sa Soft Opening an Cleft Care Center sa Cebu City Medical Center sa umaabot nga adlaw sa Sabado, Septiyembre 28, 2024.
Paga-ablihan na ang “Cebu Comprehensive Cleft Care” nga pagadumalaan sa Operation Smile Philippines (OSP) sa 7th floor sa CCMC.
Matod pa ni Cebu City Acting Mayor Raymond Alvin Garcia nga dakong gikalipay niya ang kalambuan sa tambalanan sa dakbayan aron dugang nga serbisyo idalit sa mga Sugboanon.
Sa higayong makumpleto ang pasilidad ang iyang full-capacity, mao kini ang labing dako sa tibuok kalibutan nga nagdalit sa samang serbisyo.
Karong Sabado, Septiyembre 28 ang soft opening sa maong pasilidad ug ang gikatakdang Grand Opening niini kay sa umaabot Nobyembre 16, 2024.
Gani atol unya sa grand opening sa Nobiyembre, motambong ang mga dagkong opisyal sa Operation Smile International, lakip na ang mga founder niini nga sila si Dr. William Magee, Jr., nga usa ka plastic surgeon, ug iyang asawa nga si Kathleen Magee.
Ang Operation Smile International 26 na ka tuig nga nakig-partner sa Mariquita Salimbangon Yeung Charitable Foundation, Inc. (MSYCFI) alang sa mga serbisyo niini.
