Gipadayag ni National Women’s Baseball head coach Isaac “Saki” Bacarisas ang iyang paglaum nga makasulod sa Finals ang iyang koponan kon mahatagan og laing higayon nga makasangka sa WBSC Women’s Baseball World Cup.
Sa usa ka news forum niadtong Martes sa Philippine Sports Commission, gituldokan ni Bacarisas nga gilauman niyang malabwan sa Pilipinas ang una niining kampanya sa Tainan, Taiwan diin nagtapos kini sa 2-3 nga rekord, lakip na ang impresibong 6-0 nga kadaugan batok sa Cuba.
Bisan pa sa impresibong pagsugod diin gipildi sa nasud ang world no. 7 nga Cuba (6-0) ug world no. 15 nga Great Britain (6-0) sa wala pa mapildi sa defending champion nga Japan (3-0), ang tsansa sa Pilipinas nga makaabot sa 2027 Finals sa Rockford, Illinois nawagtang human mapildi sa host nga Chinese-Taipei (2-8) ug Venezuela (0-10).
Gitudlo ni Bacarisas nga medyo nakuhaan og enerhiya ang koponan batok sa Taipei, apan nagtuo siya nga nakat-unan na nila ang kahuyang sa ubang nasod.
Gipahayag usab ni team captain Veronica Velasco ang iyang dakong pagpasigarbo nga ang unang kadaugan sa nasod sa World Cup nahimo pinaagi sa mga kababayen-an.
