CEBU CITY — Walay nakita nga igong rason ug giisip nga personal problem sa pamilya sa usa ka college professor nga napalgang patay sulod sa iyang kwarto human maghikog kagahapon sa Purok 4, Brgy. Taguihon lungsod sa Baclayon probinsya sa Bohol.
Giila ang biktima nga si Augustus Ceasar Omaña, 35 anyos, instructor sa usa ka institusyon sa Tagbilaran City, Bohol ug incumbent councilor.
Matud ni Police Executive Master Sergeant Francis Briones ang imbestigador sa Baclayon PS nga basi sa statement sa igsoon sa biktima, mi-uli kini sa ila pasado na alas sa gabii ug midiritso dayon sa iyang kwarto.
Pagkabuntag sa dihang pukawon na unta sa iyang igsoon wala kini mutubag hinungdan nga gisulod nalang sa igsoon ang kwarto.
Pag-abli sa pultahan nakita nalang niini nga nagbitay na ang iyang igsoon–naghigot sa liog ug wala nay kinabuhi.
Dugang pa ni Briones nga walay nakitang senyales nga ang biktima suicidal tungod kay vocal man kini og malipayon.
Personal usab kini nga kaila ni PEMS Briones ang biktima ug mitino kini nga walay natahong problema kaniya si Omaña.
Sa resulta sa autopsy walay nakita nga foul play ug boot nalamang karon sa pamilya nga pribadong magbangutan.
