CENTRAL VISAYAS-Mihatag og dakong importansya si Ivan Jason Delos Santos, ang Administrative Officer sa COMELEC-7, sa umaabot nga kalihokan sa pagpangampanya alang sa Barangay ug Sangguniang Kabataan Elections, nga ipahigayon karung adlawa.
Giawhag niya ang tanang partisipante nga musunod sa mga giya nga gipagawas sa COMELEC atol sa campaign period.
Usa na niini ang pagsubay sa mga gimando alang sa mga materyales sa kampanya ug ang pagsang-at ug pagpilit niini sa mga gitaganang “common posting areas”.
Mipadangat usab ang opisyal sa pipila ka mga election reminders ngadto sa mga botante alang sa mismong adlaw sa eleksyon.
Matod pa ni Delos Santos nga gikinahanglang sakto sa kaon ug mutumar sa mga maintenance nga tambal ang mga botante, ilabi na kung may edad na, sa dili pa mupadulong sa voting precincts.
Gikinahanglan usab nga susihon daan ang mga presinto kung diin na-assign ang mga botante aron mamahimong hapsay unya ang dagan sa pagbotar sa adlaw sa piniliay.
