CENTRAL VISAYAS-Nag-awhag karong ang buhatan sa Commission on Election – Central Visayas (Comelec-7) sa mga botante nga likayan nga mabitik sa mga fake news nga mukatap ilabi na sa nagsingabot nga piniliay sa umaabot Mayo 12, 205.
Kini ang gipamahayag ni Comelec-7 Regional Election Director Francisco Pobe diin ang mga peke nga mga balita kay usa ka pamaagi nga makaguba sa usa ka tawo hinungdan nga ilang gipanguhanan nga malikayan kni ug matangtang aron dili mahimuslan sa pipila nga adunay personal nga politikanhong interes.
Dugang pa sa opisyal nga siya mismo wala makalingkawas sa fake news apan giagi nalang kini niya sa positibong pagsabot.
Gihimug-atan usab niini nga dili kini isip pagpugong sa kagawasan sa katawhan nga ipadayag iyang opinion apan sa pagsala lang sa mga kasayuran agig paglikay sa mga kadaot nga madalit niini sa katilingban.
Hangyo niini ilabi na sa mga vloggers ug social media influencers nga buhaton nga patas ang pagsabwag og kasayuran online ilabi na nga makonsumo kini sa mga botante.
