Andam na ang buhatan sa Commission on Elections – Mandaue City sa umaabot panahon sa rehistrasyon sa Agosto 1 hangtod 10, 2025.
Kini ang gipamahayag ni Atty. Ann Fluer Guijilde, ang Election Officer sa Comelec-Mandaue sa pakighinabi niini sa Bombo Radyo Cebu Newsteam.
Gisaysay sa opisyal nga mahinayon ang ilang rehistrasyon bisan paman sa hulga nga ma-postpone ang December 2025 Barangay and Sangguniang Kabataan Elections.
Gikatakda ang panahon sa rehistrasyon sa Agosto 1-10 ngadto karon sa ilang buhatan lakip na ang mga special venues ila aron makaserbisyo sa mas daghan nga tawo.
Magtukod sab ang Comelec-Mandaue ug Satellite and Special Venues sa Pacific Mall inig Agosto 1 ug 2; BJMP-Basak, Mandaue sa Agosto 6; ug Mandaue City Sports Complex sa Agosto 3 ug 10.
Mudalit lang kini sa new registration, change or correction of records, reactivation, inclusion and reinstatement, ug updating of records.
Walay labot ang transfer of applications sa ilang idalit nga serbisyo ug abli sila gikan alas 8 sa buntag hangtod alas 5 sa hapon tibuok semana lakip ang holidays ug weekends gawas nalang kung adunay kamaduan sa Comelec Central Office.
