-- ADVERTISEMENT --
CEBU CITY — Giimbestigaran sa Bureau of Fire Protection (BFP) ang nahitabong sunog sa usa ka commercial building kagabii sa Ward 1, Brgy. Poblacion, Minglanilla, sa Sugbo.
Nakadawat og alarma ang mga kabumberuhan sa sa takna nga alas-6:40 sa gabii ug giisa kini sa third alarm.
Napawong ang dakong ka’yo sa maong edipisyo sa takna nga 7:39 kagabii.
Matud ni Fire Senior Inspector Cecile Alicaya sa Minglanilla Fire Station nga nitumaw ang dakong ka’yo gikan sa 2nd floor sa building nga gipanag-iya ni Cleofe Avilla.
Gisuta pa sa mga fire investigators kung unsa man ang tinuod nga hinungdan sa maong sunog.
-- ADVERTISEMENT --
Mokabat ngadto sa P300,000 ang danyos sa maong sunog ug walay natalang namatay o naangol.
