Unang natuki sa mga sakop sa Cebu Provincial Land Use Committee (PLUC) ang Comprehensive Land Use Plan (CLUP) sa lungsod sa Oslob sa habagatang Sugbo atol sa panagtigom sa komitiba niadtong Huwebes, Pebrero 27, 2026.
Ang lungsod sa Oslob kay maoy unang local government unit (LGU) sa probinsya nga gi-review sa PLUC ang land use plan niini karong tuiga isip magsilbing giya sa paggamit sa luna sa maong lungsod partikular na ang pag-ila sa mga residential, commercial, agricultural, ug industrial use hangtod sa tuig 2034.
ang mga nasudnong ahensya sa Department of Human Settlements and Urban Development (DHSUD), Department of Agrarian Reform (DAR), Department of Environment and Natural Resources (DENR), Department of Agriculture (DA), ug ang Department of Trade and Industry (DTI) ang lakip sa member-offices sa Cebu PLUC sa kasamtangang deliberasyon.
Samtang ang mga buhatan sa Kapitolyo sama sa Provincial Environment and Natural Resources Office (PENRO), Provincial Treasurer’s Office (PTO), Provincial Engineering Office (PEO), ug ang Provincial Disaster Risk Reduction and Management Office (PDRRMO) kay lakip sab sa mga niabag sa pagpalambo sa draft document sa Oslob CLUP.
Gilaumang matuman sa maong lungsod ang mga rekomendasyon nga gihatag kanila aron masumiter kini sa rovincial Planning and Development Office (PPDO).
Ubos sa RA 71 60 (Local Government Code of 1991) kay nagtugot kini sa LGUs sa ilang gahum nga mu-reclassify ug mga luna pinaagi sa mga ipatuman nga mga zoning ordinance nga ipasar sa ilahang Sagguniang Bayan ug sa Cebu Provincial Board nga maoy mahimong sumbanan sa mga potensyal nga mga mamuhunan nga mga patigayon.
