CEBU – Human sa gikatahong pagpostpone sa Barangay ug Sangguniang Kabataan (SK) elections, nipasabot si Congresswoman Emmarie Lolypop Ouano Dizon, usa sa mga author sa House Bill 1254, sa tinguha sa maong pagpostpone.
Sa eksklusibong pamahayag ni Dizon, nagkanayon kini nga adunay pondo nga gitagana nga P8.4 billion ang Commission on Election (Comelec) alang sa ipahigayong eleksyon apan tungod kay padayon gihapong naningkamot ang nasod gikan sa nahimong kadaot sa pandemya mas maayo ipondo una kini aron magamit pa sa ubang mga butang.
Pasabot sa kongresista nga dili sayon kung mag-ilis karon og mga bag-ong barangay officials gumikan ang mga naglingkod na karon mas adunay kasinatian sa pakigbatok sa Covid-19 ug gikonsiderar kini sila nga mga frontliners.
Gani, nagkanayon kini nga hatagan una og higayon ang mga incumbent officials nga mapamatud-an ang ilahang kaugalingon subay na sa mga daghang reklamo nga gustong ilisan ang ilahang mga opisyales sa barangay tungod sa way lami nga serbisyo.
