Cordova Mayor Suan mipahimangno sa mga operators sa floating cottages kalabot sa saktong pag-dispose sa hugaw

CEBU – Mipahimangno si Cordova Mayor Cesar ‘Didoy’ Suan sa mga operators sa floating cottages nga mutuman sa pagbutang ug pansayan, ingon man igong butangan sa mga basura.

Gibutyag ni Mayor Suan nga sa iyahang pagbisita sa mga cottages, giingong adunay mga mituman sa maong kamandoan apan susama nga alang sa ‘compliance’ lang ug dili pa gayud kini pa-igo.

Matud pa, gikinahanglan gayud kini nga mapangita-an ug pamaagi arun nga dili mahimong kontaminado ang ilahang tubig-dagat diin mao ang ‘bread and butter’ sa ilahang turismo.

Hinuon, gitataw sa mayor nga wala pa kini gipasarad-an nga mga floating cottages gumikan kay ang iyahang giluwatan nga Executive No. 1 nagdili lang sa pagtukod ug mga fixed cottages.