CEBU CITY — Anaa na sa 91 percent ang recovery rate sa dakbayan sa Sugbo gikan sa sakit nga Coronavirus Disease 2019 o COVID-19.
Kini base sa na sa datos nga gipagawas sa Department of Health (DoH-7).
Mokabat na sa kapin 9,000 ang na-ulian sa maong sakit sa dakbayan sa Sugbo samtang anaa sa dul-an 60 ang natalang bag-ong kaso sulod sa usa ka semana.
Anaa na sa ika-walong semana ang syudad ubos sa Modified General Community Quarantine (MGCQ) diin padayon ang pag-ubos sa mga natalang bag-ong kaso samtang nisaka ang ihap sa mga nauli-an sa maong makamatay;ng virus.
Kahinumduman nga nagsugod ang MGCQ status sa dakbayan niadtong Setyembre uno.
Samtang sa kinatibuk-an nakatala Department of Health (DOH)-7 og 53 ka mga bag-ong kaso sa coronavirus disease o COVID-19 sa Central Visayas, base sa latest case bulletin niadtong Oktubre 18.
Sa 21,743 ka mga pasyente kinsang natakdan sa coronavirus, anaa na lang sa 985 ang active cases kinsang gibantayan karon sa mga tambalanan ug isolation facilities.
