Nakatala ang Cebu Police Provincial Office (CPPO) og 44.24% nga pagkunhod sa ihap sa tanang krimen sa tibuok lalawigan niadtogn nakalabayng Semana Santa.
Sumala pa sa CPPO nga nagmalinawon ug hapsay ang obserbasyon sa Semana Santa sa Sugbo diin ang labing mahinungdanaon niini kay ang “zero shooting incidents” mugna sa ilang gipakusog nga security operations.
Sa ilang datos, ang total crime incidents kay miminus gikan sa 495 niadtong 2025 ngadto nalang sa 276 incidents karong tuiga. Nagpakita kini sa pagminus sa 219 ka mga kaso.
Sa focus crimes data, ang physical injuries kay miubos sa tulo nga gikan sa 10 ka kaso niadtong 2025. Sa murder ug rape kay miubos sa usa nga gikan sa duha ka kaso sa maong mga krimen sa nakalabayng tuig. Ingon man ang robbery kay pabilin sa tulo ka kaso ug ang theft kay misaka gikan sa upat ngadto sa lima.
Ang mga krimen nga walay natala sa tibuok semana kay mao ang shooting, carnapping, ug homicide.
Ang parehong Peace and Order Indicators ug Public Safety Indicators kay nagpakita sa kinatibuk-ang pag-ubos sa krimen sa probinsya nga nagtimaan sa epektibong lakang sa kapulisan sa pagpagtuman og mga lakang sa kahapsay sa katilingban.
