Nagkahugot karon ang kompetisyon sa Central Visayas Regional Athletic Association (CVIRAA) Meet 2026 sa Day 3 Athletics, nga gipahigayon sa Cebu City Sports Center (CCSC).
Samtang sa Athletics, gilangkoban kini sa nagkalain-laing kategorya sama sa 400m Hurdles, 200m 4×1 relay, kinsa mao ang mga kategorya nga gi-awayan sa mga atleta sa rehiyon 7.
Atol sa Day 3, anaa na kini sa hugna sa qualifying rounds kung diin ugmang adlawa, Marso 26, hingpit nang sugdan ang panagtigi kung kinsa ang hingpit nga makadaog sa mga nagkalain-laing medalya.
Sa habig usab sa unofficial medal tally, nanguna na dinhi ang Cebu City Niños mga representante gikan sa syudad sa Sugbo, kinsa nakalangkat na og 19 kagidaghanon sa bulawanong medalya, 17 kagidaghanon sa silver medal, 16 ka bronze, diin sa kinitbuk-an adunay 52 ka kinatubuk-ang medalya ang napopo sa Cebu City Niños.
Gisundan usab kini gikan sa Probinsya sa Bohol, 16 kagidaghanon sa bulawanong medalya, 20 kagidaghanon sa silver medal, 11 ka bronze, diin sa kinitbuk-an adunay 47 ka kinatubuk-ang medalya ang napopo sa mga representante gikan sa Bohol.
Wala usab palabaw ang Lapu-Lapu City gumikan kay nakatigom kini og13 bulawanong medalya, 1ka silver medal, ug 10 ka bronze, ug aduna kini 24 kinatubuk-ang medalya ang napopo.
Ang maong paugnat sa kusog gisugdan sa sayong bahin karong adlawa, diin sa alas 5:00 palang gisugdan na kini ug nahuman alas 8:00-8:30 sa kabuntagon.
Ang maong oras sa pagsugod sa sporting events gitumong aron dili mababad sa naglagiting nga ka init ang mga atleta.
Subay niini, adunay nahimamat ang Bombo Radyo Cebu newsteam si Rossniel Capuno taga dakbayan sa Danao, diin iyang tumang kalipay ang nipatigbabaw human nga hingpit siyang makasulod sa qualifying round sa 800M Final Qualifier, ilabi na nga mao kini ang unang higayon niya nga midaog.
Gipaambit usab ni Capuno nga ang maong kalampusan niya, iyang itanyag sa iyang coach ug ingun man sa iyang eskwelahan.
