Gipasalig sa Department of Agriculture ang pagmonitor niini sa presyo sa buag humay sa kamerkadohan tungod sa gipatuman import ban.
Kini ang gikumpirma ni Agriculture Secretary Francisco Tiu Laurel Jr.
Ang maong lakang gitumong sa pagsiguro nga masunod ang P43 matag kilo nga kinatas-ang presyo sa imported nga bugas.
Matod sa kalihim, iya nang gimandoan ang Agribusiness and Marketing Assistance Service (AMAS) nga bantayan ang mga merkado nga nangreklamo sa kamahal sa presyo sa imported nga bugas.
Sumala ni DA Assistant Secretary Genevieve Velicaria-Guevarra nga mopadala kini og suwat ang ilang departamento sa upat ka mga merkado sa Metro Manila nga gikatahong namaligya og bugas sa taas nga presyo.
Moadto usab ang AMAS sa mga merkado aron susihon ang mga kalapasan sa presyo ug susihon usab nila ang mga bodega aron mahibal-an kung adunay igong suplay sa bugas.
Dugang pa sa kalihim nga igo lang gihapon ang suplay sa imported nga bugas bisan kon lugwayan pa ang pagdili sa importasyon niini.
