Nagpatuman og import ban ang Department of Agriculture sa pag-import sa mga binuhi nga baka ug buffalo gikan sa France ug Italy.
Kini nunot sa mga taho sa kumpirmadong outbreak sa Lumpy Skin Disease (LSD) sa nahisgutang mga mananap diin lakip niini ang pag-import og mga produkto sa hayop, embryo, ug semilya.
Ingon man nga walay labot sa gidili ang mga panit nga nabutangan og asin o gipailalom sa ante- ug post-mortem; pagkaon sa dugo ug harina; karne gawas sa skeletal muscle o bukog; casings, gelatine ug collagen, tallow, hooves ug sungay, ug mga produkto sa gatas nga miagi sa pasteurization.
Matod ni Agriculture Secretary Francisco Tiu Laurel Jr., ang LSD maoy hinungdan sa hilanat ug katingad-an nga mga bukol sa panit sa mga mananap nga nataptan.
Kasagaran kini gipakaylap sa mga insekto nga nagpakaon sa dugo sama sa mga langaw, lamok, ug tiktik.
