Cebu City- Sayop na usab nga mga impormasyon ang naabot ni Presidente Rodrigo Duterte. Kini maoy gipahayag ni Daan Bantayan Mayor Vicente Loot human nga subli na usab nga gi mention ni Duterte ang pangalan ni Loot ug giingong tawo kini ni kanhi Presidente Benigno Simeon Aquino III ug kanhi DILG Secretary Mar Roxas.
Gihimug-atan ni Loot nga dili tinuod ang pasangil ni Duterte sanglit dili si Aquino ang gisuportahan sa ilang pamilya niadtong 2014 elections hinungdan nga napilde ang iyahang asawa nga si kanhi Daan Bantayan Mayor Malou Loot. Matud pa nga gigukod pa sila ni kanhi General Marcelo Garbo , nga maoy tataw nga tawo ni Aquino, gumikan sa ilang pagsuporta sa kandidatura ni Gibo Teodoro sa pagka presidente niadtong 2014.
Dako ang pagtuo ni Loot nga dunay tawo nga gustong mudaot kaniya hinungdan nga mga sayop nga impormasyon ang gihatag ngadto ni Duterte. Nasayran nga atol sa speech ni Duterte sa anibersaryo sa BIR sa Quezon City, gisaway niini si kanhi Presidente PNOY human gisaway usab sa kanhi Presidente ang drug war ni Duterte diin nalambigit pa ang pangalan ni Loot nga usa matud pa sa mga tawo ni Aquino.
