Dagkong malls, condominium ug buildings, usa sa mga posibling hinungdan sa pagpondo sa tubig ug pagbaha sa Dakbayan sa Sugbo – Konsehal Guardo

CEBU CITY-Nakasinati na usab ang Dakbayan sa Sugbo kagahapong adlawa ug pagbaha gumikan sa pagbunok sa uwan, sama sa Barangay Banilad ug Talamban.

Subay niini, gikwaan ug habig sa Bombo-Newsteam si Konsehal Gerry Guardo, ang City Council committee on infrastructure chairman, ug gitino niinii, nga kini gumikan sa konkreto nga mga building ug kabalayan sa Sugbo.

Dugang pa, nga ang mga dagkong Malls, Conduminium ug Buildings, usa usab sa mga possibling hinugdan sa pagpundo sa tubig kay wala nay kahunuban ug dili na makalahos sa mga ka-kanalan o kadalanan.

Dugang sa konsehal, nga ang pag-uwan ug pagbaha nga nasinati karun sa Dakbayan, ‘very unusual’ na ug dili na susama sa mga nanglabayng katuigan, hinungdan nga dako-dako pa kini ug trabahoon.