CEBU CITY-Igo nalang nga miduko ang babaye nga gihinganlang ‘kikay’ human kini nadakpan sa Carbon Police Station tungod sa gituohang shabu nga nagkantidad og 6,800 pesos atol sa gipahigayon nga buy-bust Operation sa Brgy. Ermita ning dakbayan sa Sugbo.
Giila ang nadakpan nga si Channel Ann Cuervo o mas naila nga ‘kikay’, nagpuyo sa Sitio Bato Barangay Ermita.
Matud pa ni Kikay nga igo ra niini gidawat ang maong butang sa dihang gidunol kini sa iyang amigo.
Apan, asoy sa Arresting Officer sa suspetsado nga kang kikay ang maoang mga nasakmit gani, siya usab ang target sa maong operation human nga gipaubos kini sa surveillance.
Dugang pa nga adunay laing lalaki nga kuyog niini ang daling naka-ikyas human nga midagan kini og paspas nga daw gumikan anaa pa’y tama sa gidiling drogas ug hinungdan nga wala kini madakpi.
