Gituohan ni kanhi Senador Leila De Lima nga dili ang Korte Suprema, kon dili ang Konstitusyon, ang angayan nga magduso sa Kongreso sa pagpasar og balaod batok sa political dynasties.
Matod ni De Lima, ang Konstitusyon mao ang “supreme law of Congress” nga nagmando kanila sa pagpalabang og balaod nga magdili sa political dynasty.
Kini nunot sa pamahayag ni Senate President Francis Escudero nga ang Korte Suprema dili makapugos sa Kongreso sa pagpalabang og balaod batok sa political dynasties, ug usa kini ka “political question.”
Hinungdan nga kini nga pahayag agig tubag sa petisyon sa 1Sambayan Coalition ug pipila ka mga miyembro sa clergy, nga naghangyo sa Korte Suprema nga mandoan ang Kongreso nga maghimo og usa ka balaod batok sa mga political dynasties.
Matod sa mga petitioners, ang Kongreso napakyas sa pagtuman sa ilang katungdanan sa pagpalabang sa anti-dynasty law dul-an 40 ka tuig sukad napasar ang 1987 Constitution.
Ila usab nga gitumbok nga 80% sa mga puwesto sa Kongreso gihuptan sa mga politikanhong pamilya, hinungdan nga ila kining gitumbok nga kalapasan sa Article II, Section 26 sa Konstitusyon.
