MANDAUE CITY-Gisibog ngadto sa Enero 2024 ang ipahigayon nga clearing operations sa dili mominos 30 sa giingong ‘illegal fish pens’ sa Sitio Tubigan, Barangay Banilad, Mandaue City.
Nasayran nga mao kini ang direktiba ni Mayor Jonas Cortes ngadto kang Lawyer John Eddu Iba ez, kinsang pangu sa Mandaue City Legal Office, ingon man ang Task Force sa Atong Problema, Atong Solusyon .
Gihimug-atan ni Iba ez nga ang pagguba sa mga ‘fish pen’ nga maoy responsable sa pagbaha sa pipila ka bahin sa dakbayan atol sa pagbunok sa ulan, mahimong magsugod sa Enero sunod tuig.
Kung kahinumduman, ang mga tag-iya sa fish pen, kinsa residente usab sa maong dapit, una nang gihatagan og abiso nga mobakasyon niadtong Oktubre 30 ug boluntaryong moguba sa ilang mga fish pen.
Ingon man nga nakigtagbo kini sa unang batch sa mga tag-iya sa yuta niadtong Miyerkules, ug ang tanan mi-uyon sa demolisyon ug mipasalig nga dili na mobalik sa lugar ang mga tag-iya.
Gani, malipayon pa ang mga residente sa Mandaue gumikan gihimoan og aksulbaran ang problema sa baha sa ilang dapit.
Sa pikas bahin, sa nahitabong panagtapok nasayran nga ang mga tag-iya sa fish pens, walay pagtugot ug walay permit nga maka-operate sa maong mga negosyo.
Hinungdan nga gipahimangnoan ni Iba ez ang mga lumulupyo nga kinahanglang i-agi kini sa saktong proseso og kon gani plano silang magtugod pagbalik og mga negosyo.
