LAPU-LAPU CITY, CEBU-Mopahigayun ang Department of Interior and Local Government (DILG) sa Siyudad sa Lapulapu ug Fun Run sa Buhay Ingatan, Droga’y Ayawan (BIDA) sa umaabot nga Hulyo 29, 2023.
Kung diin, tambungan kini mismo ni DILG Secretary Benjamin Abalos Jr. uban ni Mayor Junard Chan ug ubang mga opisyal sa lainlaing ahensya sa gobiyerno ug sa pribadong sektor ilabi na sa runners.
Dugang pa, nga ang tumong sa kalihokan mao ang pagdasig sa katawhan nga nagpabiling himsog ang panglawas pinaagi sa ehersesyo ug apil sa programa ang kampanya batuk sa ilegal nga drugas.
Mipasalig si Mayor Chan nga moabot og 10,000 ka mga tawo ang mosalmot sa kalihokan sa BIDA program diin 5,000 niini moapil sa Fun Run.
Aduany duha ka kategoriya ang Fun Run 2K ug 4K Fun Run nga mohatag og registration fee nga P400 ang moapil diin makadawat kini og T-shirt, race tag, ug snacks.
Makadawat usab og medalya ang mga mananaug sa Fun Run.
Sa pikas bahin, gitino ni Lapulapu City Police Director, Police Coronel Elmer Lim, nga iyang paapilon sa Fun Run ang mga sakop nga mga batan-ong pulis ug motambong sa BIDA program nga ipahigayon sa Hoopsdome ang mga Anti-Drug Advocates kun nakahuman na sa ilang drug rehabilitation program.
