CENTRAL VISAYAS-Nagpahimangno ang Department of Education – Central Visayas sa publiko ilabi na sa mga ginikanan og mga tinun-an nga dili obligado ang paghatag og bisag unsang regalo atol sa kasaulogan sa World Teacher’s Day.
Sa ekslusibong pakighinabi sa Bombo Newsteam kang Dr Salustiano Jimenez, ang Regional Director sa DepEd-7 diin gitataw niini nga bisan man sa ka importante sa pagsaulog og paghinumdom sa kahago ug kakugi sa mga magtutudlo apan ang paghatag og mga regalo kay dapat bokal gikan sa kasing-kasing nga dili pinugos ma bisag kinsang tahas man kini.
Dugang pa sa opisyal nga wala mikanus-a man mipugos ang mga kadagkuan sa departamento sa edukasyon sa mga estudyante ug mga ginikanan nga opisyal sa PTA (Parent-Teachers Association) sa paghikay nga mugasto ug panalapi aron lamang adunay bongga nga presentasyon alang kanila.
Gawas sa mga materyal nga kabutangan isip regalo sa mga magtutudlo gikan sa mga estudyante kay mas bug-at gihapon ang regalo sa piskay nga sinabtanay sa panahon sa pagkat-on sulod sa mga lawak-klasehanan nga adunay respeto ug disiplina.
