PROVINCE OF BOHOL-Gipusil sa duha ka wala mailhing suspek ang usa ka supervisor sa Department of Education mga ala 1:40 sa hapon Huwebes, Abril 20, 2023 sa Barangay Lapacan Sur, Inabanga, Bohol.
Ang biktima giila sa Inabanga Municipal Police Station nga si Noel Duavis Torregosa, 51, taga Cangawa Buenavista, ug kasamtangang DEPED Supervisor sa South Inabanga Bohol.
Base sa inisyal nga imbestigasyon, nagmaneho si Torregosa sa kolor puti nga Toyota Wigo dihang kalit nga nipusil kaniya ang mga suspek nga nag-bonnet ug nag-jacket, sakay sa kolor gray nga motorsiklo.
Ang biktima daling gidala sa Francisco Dagohoy Hospital apan subo nga wala na makaabot.
Sa laing bahin, ang mga suspek gikatahong nagpadulong sa Panghagban, Buenavista human sa insidente.
