Pormal na nga niduso ang Department of Foreign Affairs (DFA) og diplomatikong protesta aron ipagawas ang kusganon ug walay pagduhaduha nga pagsupak sa plano sa China nga magtukod og nature reserve sa Bajo de Masinloc (Scarborough Shoal) sa West Philippine Sea.
Sa pag-uswag niini, ang gobyerno sa Estados Unidos nagsuporta sa Pilipinas ug naghulagway sa lakang sa China nga “destabilizing.”
Mao kini gipaambit ni Angelica Escalona, ang tigpamaba sa Philippines foreign affairs department diin kusganong gibarugan nga ang Bajo de Masinloc kay sakop sa Pilipinas ug ingon man nga nipadayag sa ilang kasuko gumikan hangtud karon wala pa ma-settle ang maong hisgutanan.
Sa pikas bahin, nipadayag usab si US Department of State Secretary Marco Rubio sa ilang suporta sa Pilipinas a pagsalikway sa destabilizing nga plano sa China sa pagtukod sa ‘national nature reserve’ sa Scarborough Reef.
Gipunting usab ni Rubio nga ang mga aksyon sa China sa Scarborough Shoal kay nagpadayon sa pagdaot sa kalig-on sa rehiyon, busa nanawagan kini nga sundon ang internasyonal nga balaod, lakip ang hukom sa 2016 Arbitral Tribunal, nga dili supak sa balaod nga gipugngan sa Beijing ang mga mangingisda nga Pilipino sa pag-apil sa tradisyonal nga pagpangisda sa gilalisan nga dagat.
Kahinumduman nga gipahibalo sa gobyerno sa China kaniadtong Miyerkules ang pag-aprubar sa Konseho sa Estado sa hangyo sa Chinese Ministry of Natural Resources nga tukuron ang ‘reserve’ sa Scarborough Shoal, ug planong tawagon nga Huangyan Dao National Nature Reserve.
