Gisugdan na sa Department of Information and Communications Technology (DICT) ang pagsumpo batok sa fake news ug nag-organisa og ‘troll armies’ sa social media aron mapanalipdan ang integridad sa proseso sa eleksyon.
Matud ni DICT Secretary Henry Aguda nga pinaagi sa pakigtambayayong sa ahensya sa Commission on Elections (Comelec) ngadto sa pipila ka mahinungdanong mga inisyatibo aron mapalambo ang teknolohikal nga imprastraktura sa eleksyon.
Dii lakip sa inisyatibo kay pagtukod sa Configuration Hubs, diin ang mga personahe sa DICT motabang sa pagdumala sa mga hub sa panahon sa proseso sa eleksyon, ingon man ang pagpalambo sa mga serbisyo online sama sa Precinct Results Finder, Registration Status Verifier, ug Election Results Website.
Samtang naglunsad usab ang Cybersecurity Bureau sa DICT og mga kritikal nga inisyatibo sama sa vulnerability assessment ug penetration testing (VAPT) aron mailhan ug mamenosan ang mga risgo sa seguridad, ug masiguro ang seguridad sa digital nga mga imprastraktura sa tibuok proseso sa eleksyon.
Giila usab ni Aguda ang nagkadako nga impluwensya sa mga platform sa social media sa eleksyon ug gidawat ang baroganan sa mga higante sa teknolohiya sama sa Tiktok, Google, ug Meta, nga misaad nga idili ang bayad nga mga ad sa politika sa ilang mga plataporma.
