Opisyal nang gihatagan og Filipino citizenship ang mga magduduwa sa basketball nga sila si Malick’ Diouf ug Elizabeth Jeanette Means, diin ang balaodnon bahin sa ilang naturalisasyon gipasar niadtong Mayo 18.
Ang Republic Act No. 12318 ug Republic Act No. 12319 opisyal nga naghatag kang Diouf ug Means sa tanan nilang mga katungod ug responsibilidad ubos sa konstitusyon ug mga balaod sa Pilipinas.
Ang 6-foot-11 nga si Diouf, kinsa natawo sa Dakar, Senegal, giisip nga kandidato para sa Gilas Pilipinas 3×3 pool.
Mianhi siya sa Pilipinas niadtong 2018 human midawat og athletic scholarship gikan sa Centro Escolar University ug gikuha sa University of the Philippines.
Siya ang yawe sa pagdaog sa Fighting Maroons sa titulo sa University Athletic Association of the Philippines (UAAP) Season 84 men’s basketball niadtong 2022, ug ginganlan siya nga UAAP Most Valuable Player sa Season 85.
Samtang si Means, nga may gitas-on nga six-footer, nagtinguha nga makasulod sa Gilas Pilipinas Women’s national team.
Natawo ug nagdako siya sa Estados Unidos samtang ang iyang apohan taga-Naga, Camarines Sur.
