Kusganong gisaway ni DND Secretary Gilberto “Gibo” Teodoro ang posisyon sa mga Chinese academic scholars nga kabahin sa teritoryo sa People’s Republic of China ang Probinsiya sa Batanes pinaagi sa koneksyon niini sa isa sa Taiwan nga giangkon sab sa maong nasud.
Gikwestyon usab ni Teodoro ang tumong sa mga scholars sa pagbutyag sa maong pangangkon hilabi na makonsiderar sab kini na posisyon sa Chinese Communist Party nga mao ang ruling party sa People’s Republic of China.
Gihimug-atan ni Sec.Teodoro, nga kinahanglang pakigbatokan gayud sa kagamhanan ang mga pangangkon sa China ug barugan ang implikasyon sa UNCLOS gumikan kay posibleng hilabtan sa mismong nasud ang Archipelogic Doctrine nga maapekto sa nasud.
Hinungdan nga gidayeg sa opisyal ang pag-ila sa Dakbayan sa Sugbo sa kadaugan sa Pilipinas sa 2016 Arbitral Rulling, ug nanghinaot nga sundon kini sa mga Local Government Units aron pagpukan sa mga probokasyon sa Chinese Officials.
Kahinomdoman na kabahin na sa teritoryo sa atong nasud ang Probinsiya sa Batanes sukad niadtong 1783, ug daan nang gisalikway ni Teodoro ang pangangkon diin wala kini igong basehanan.
