CENTRAL VISAYAS- Nanawagan ang buhatan sa Department of Health in Central Visayas (DOH-7) aron sa paghatag og gibug-aton sa kamahinungdanon sa pagsulbad sa mga risgo sa paghikog nunot sa nahitabong kamatayon sa usa ka abogada diri sa dakbayan sa Sugbo sa mga nakalabay nga adlaw.
Kini subay sa giluwat nga pamahayag sa DOH-7 sa kamahinungdanon lamang sa aspeto sa pisikal nga panglawas apan lakip na ang kahimsog sa pangisip (mental health).
Sa pakigbatok sa stigma ug diskriminasyon, ang DOH 7, kauban ang mga propesyonal sa kahimsog sa pangisip ug mga tigpasiugda, nanawagan sa publiko nga maghatag respeto ug kaluoy sa nagbangutan nga mga pamilya ug indibidwal nga naapektuhan sa pagkamatay sa kabanay.
Giawhag usab sa DOH-7 ang publiko nga magtinabangay sa pagsulbad sa mga hinungdan nga peligro sa paghikog samtang gipalig-on ang mga lakang sa pagpanalipod.
Gipasiugda sa DOH-7 kung unsa ka mahinungdanon ang papel sa mga pamilya, higala, ug organisasyon sa pagsiguro nga ang mga nanginahanglan makadawat og suporta.
Dugang pa, nga ang tabang kinahanglan nga dali nga makuha sa mga tawo sa tanan nga edad, bisan unsa pa ang kahimtang sa katilingban, gender o relihiyon.
