Gi-activate sa Department of Health (DOH) ang Code White alert isip pagpaabot sa epekto sa Tropical Storm Ramil.
Ubos sa Code White, ang DOH hugot nga nagmonitor sa ilang operations center ug magbutang sa gikinahanglang tambal ug medical equipment alang sa paspas nga pagtubag sa emerhensya.
Mipasalig nga ang mga Health Emergency Response Teams, andam alang sa dinalian nga pagpadala aron mahatag dayon ang tabang sa mga rehiyon nga grabe nga naigo sa bagyo.
Samtang, niabot na sa 4,980 ang ihap sa mga pasahero nga na-stranded sa mga pantalan sa Bicol region tungod sa Bagyong Ramil, basi sa pinakaulahing datus sa Coast Guard District Bicol.
Samtang, 1,516 ka rolling cargoes, siyam (9) ka mga barko, ug duha (2) ka motor bancas ang nagpabiling stranded sa nagkadaiyang mga pantalan.
Busa, 24/7 nga nagbantay ang Coast Guard District Bicol aron masiguro ang kaluwasan sa tanan, ingon man nga ang mga personnel sa PCG kay nagpabilin sa heightened alert status aron mahatagan og hinanaling tabang sa mga emerhensya.
