Giwagtang sa Department of Health ang kahadlok sa publiko kabahin sa kabalaka sa pagsaka sa kasong Mpox sa nasud.
Matud ni Health Sec. Ted Herbosa nga ang mga kaso sa Mpox nga natala kay mao ang mild type o ang skin-to-skin transmission o ang gitawag nga Mpox clade 2.
Pagklaro niini nga dili kini ang klase nga public health emergency nga adunay international concerns ug hangtud karon wala pa silay nakita nga Mpox clade 1B sa Pilipinas nga maoy makapag-global health warning sa nasud.
Gihatagan usab niini og katin-awan ang mga nadawat nga taho nga giingong namatay tungod sa Mpox kay walay kamatuoran inay namatay sila tungod sa gitawag nga ‘advance HIV’.
Bisan paman niiana kay mipahinumdom ang buhatan sa kahimsog ngadto publiko nag magpabiling mabinantayon ug sundon ang girekomendar nga mga protocol taliwala sa nagpadayon nga pagmonitor sa mga kaso sa Monkeypox (Mpox), bisan paman sa pasalig sa DOH nga nagpabilin nga ubos ang risgo.
Kusganong gidasig usab ang katawhan nga himoon ang mga preventive measures, sama sa regular nga paghugas sa kamot, pagsul-ob og face mask, ug paglikay sa suod nga kontak sa mga tawo nga adunay sintomas.
