Gipahibalo ni Department of Justice Secretary Fredderick Vida nga ang kanhi Ako Bicol Party-list Rep. Zaldy Co. wala na sa kustodiya sa Czech Republic, human gikumpirma sa mga awtoridad nga mibiya na kini sa nasud.
Sa usa ka press conference sayo ning buntaga, giingon ni Vida nga ang impormasyon gikan sa Czech authorities nagpakita nga ang kanhi kongresista nakabiya na, ug wala nay dugang detalye nga gipaambit bahin sa iyang lokasyon.
Tungod niini, nagpaabot ang Department of Justice sa pag-isyu sa “Red Notice” sa International Criminal Police Organization aron mapadali ang pagdakop ug posibleng pagbalik ni Co sa Pilipinas.
Bisan pa sa iyang pagbiya sa Czech Republic, nagpabilin ang kasiguruhan sa DOJ nga magpadayon ang mga lakang aron madala siya balik sa Pilipinas ug atubangon ang mga kaso batok kaniya.
