Nipasalig ang Department of Justice nga si Bise Presidente Sara Duterte makadawat og patas nga pagtagad.
Kini nunot sa iyang kapakyas pagtambong sa imbestigasyon nga gipatawag sa National Bureau of Investigation (NBI) kalabot sa iyang hulga kang Presidente Ferdinand Marcos Jr.
Gitataw sa Bise Presidente nga ang rason nga wala siya motambong sa NBI kay iyang nakita nga dili siya makadawat og patas nga pagtagad.
Matud pa ni DOJ Undersecretary Jesse Andres nga dako ang iyang kasubo sa gihimo sa bise presidente ug dapat kinahanglang sundon sa bise presidente ang due process.
Bisan pa nga ang kaso gisang-at sa NBI sa DOJ ug gipatawag ang preliminary investigation sa mga piskal.
Nipasidaan si Andres nga dili paigo ang pagpadala og suwat sama sa gihimo ni Duterte ngadto sa NBI tungod kay gikinahanglan ang notarized affidavits alang sa preliminary investigation.
Gidugang niini nga bisan pa man ang NBI o DOJ mohimo og imbestigasyon, mopatigbabaw gihapon ang rule of law.
Kung kahinumduman nga una nang gihimakak ni Duterte nga iyang gihulga ang presidente ug dili lang hulga ang iyang pamahayag.
