Giawhag sa Department of Justice ang publiko nga mokooperar sa imbestigasyon nga gilunsad sa mga panghitabo o insidente sa Senado sa miaging semana.
Sa usa ka pamahayag, gidapit ni Justice Sec. Fredderick Vida ang mga indibidwal nga adunay video o bisan unsang ebidensya nga ipadala kini sa departamento.
Basta kini beripikado o mapamatud-an, kini usa ka ebidensya nga makatabang sa imbestigasyon, gidapit sila sa kalihim nga isumite kini sa giumol nga espesyal nga grupo.
Ang departamento nagporma og ‘Special Panel of Prosecutors’ alang sa usa ka komprehensibo nga ‘case-buildup investigation’ sa mga panghitabo.
Kung diin, ang mga ahensya nga gitahasan sa pagsumite sa inisyal nga mga report sa mga panghitabo, lakip ang National Bureau of Investigation, Philippine National Police ug uban pa, gihatagan hangtod sa Miyerkules.
